Pasahero

Sa pagsakay sa saksakyan,

hindi mahalaga kung ikaw ay pasahero.

Ang mahalaga,

alam mo kung saan ka pupunta

at saan mo gusto pumunta.

Tara, byahe na!

 

 

 

Lakad

Ayaw ko ng lumalakad sa marumi.

Gusto kong lumalakad sa malinis.

Mahilig akong maglakad.

 

 

 

Ako

Sa espasyong ito, 

ako ay malaya.  

Sa lugar na ito, 

ako ay ako.  

Sa mundong ito, 

ako ay masaya.  

 

 

 

 

Pagbalik

Pumunta ako sa lugar ng aking kapanganakan.
Doon ako nag-aral.
Bumalik ako sa aking pinanggalingan.

Ang araw ay sumikat

Ang araw ay sumikat.
Nagbigay liwanag sa sanlibutan.
Sumibol ang mga halaman.

Nagbigay rikit mga bulakak,
ang paligid ay nagkaroon ng hardin.
Tao’y naging taimtim,
natutong mag-alaga ng paligid.
Ang lahat ay umayos.

*

2

Ang pasko ay araw-araw.

Bawat pag-ibig na isinisilang

sa bawat sandali ay pagsilang kay Kristo.

Ang betlehem ay nasa ating sinapupunan.

Sa munting sabsaban ang likha ay isinisilang.

Ibig

Hayaan mo akong lumpiad

pagka’t ako’y may mga pakpak.

Hayaan mo akong humuni

pagka’t ito ang tinig ng aking lahi.

Hayaan mo akong umawit

pagka’t ako’y umiibig.

Ako ay nagkaroon ng maraming kamatayan sa buhay na ito.

At pinili ko ang mabuhay.

Ninais kong makilala ang kamatayan,

upang malaman lamang na ito rin ang buhay.